A Fundación Manolo Paz

 

Xunto con Francisco Asorey, Narciso Pérez ou Paco Leiro, Manolo Paz Mouta é un dos principais escultores de Cambados

A sede da súa fundación de arte contemporánea foi unha das últimas incorporacións á longa lista de reclamos turísticos da vila

Encóntrase nas Quintáns, na parroquia de Castrelo, a onde nos diriximos para visitala e coñecer o artista no seu propio obradoiro

A Fundación Manolo Paz figura na ruta artística internacional de parques escultóricos

A través do percorrido pola exposición permanente do museo é posible revisar a obra do seu creador

O diálogo entre a arte e a natureza adquire unha especial relevancia nas diversas áreas deste parque 

Ambas conxúganse para crear uns novos espazos onde os distintos elementos figuran perfectamente integrados

Os traballos en granito predominan entre as distintas obras expostas nas Quintáns

Entre regatos, hortas, piñeirais e bosque autóctono, atópanse mesmo nos recunchos máis insospeitados

Especialmente pensados para as visitas en familia, como foi o caso, hai unha casa da árbore e mais un miradoiro

Durante a nosa demorada estadía na fundación, tivemos a oportunidade de parolar un anaco co escultor cambadés

Foi uns días antes da celebración das VI Xornadas da Fundación Manolo Paz, en que foi homenaxeado o arquitecto Gallego Jorreto

Antes de irnos do parque, visitamos a exposición temporal do pintor Uxío López, tamén presente

Por último, pasamos pola tenda, onde se poden adquirir obras portátiles con pedras de diferentes partes do planeta

A sede da fundación do autor dos Menhires pola Paz está situada nunha paraxe natural privilexiada

A escasos metros, o Umia desemboca na ría de Arousa, polo que se pode contemplar o esteiro dende o parque

Seguindo pola costa, cara ao sur, o visitante poderá coñecer tamén as antigas telleiras ou refrescarse na praia das Saíñas