David Bowie no MIHL

Nas salas do MIHL, en Lugo, estase a expoñer unha importante colección sobre David Bowie

A mostra, que chega dous anos despois da morte do artista, homenaxea a súa  figura maila súa obra

Integrada por máis de medio milleiro de singles e LPs, a exposición comeza polos traballos máis temperáns

É dicir, de finais dos 60, cando o músico aínda non mudara un nome que coincidía co do cantante de The Monkees

Séguenlles os 25 álbumes de estudio que sacara en solitario o autor inglés

Dende o David Bowie de 1967 ata o Blackstar, que precedeu dous días o seu pasamento

Durante a súa longa traxectoria, Bowie publicara máis dun cento de singles e maxi singles

Neles non desaproveitou a oportunidade de colaborar con innumerables artistas de todos os xéneros musicais

As pezas pertencen ao coleccionista Carlos Lúxor, alter ego do músico leonés Carlos Antonio Suárez

Ademais de discos de estudio e singles, tamén recolle edicións pirata e vinilos flexibles coas obras de Bowie

Un apartado especial é o relacionado cos traballos cinematográficos do autor, dende actuacións ata bandas sonoras

Algúns dos seus papeis máis coñecidos sons os dos filmes Bo Nadal, Mr Lawrence e Dentro do Labirinto

Destes traballos, a colección tamén ten numerosas pezas, que figuran entre o abundante merchandising sobre o autor

A colección que Carlos Lúxor atesoura complétase con diversas obras realizadas por diferentes artistas plásticos

Fun ver esta exposición xa en dúas ocasións, e en ambas había público a ollala

Quen aínda non tivese oportunidade, poderá visitala no museo lugués ata finais de abril 

Paisaxes de Lugo (II)

Hai un ano publicaba unha serie fotográfica con paisaxes das terras de Lugo

Esta nova entrega comeza co último lugar retratado, as ruínas de Castro Candaz

Desta volta, as instantáneas seleccionadas corresponden só aos últimos doce meses

Mais, coma no primeiro post, todas as imaxes foron captadas co meu móbill nas coberturas

Este banco con vistas ao mar encóntrase nunha praia de Barreiros

Pola súa parte, o soberbio rebolo de arriba está situado xunto aos canóns do Sil

No medio, hai un vasto territorio que cubrir, cunha área de case 10.000 quilómetros cadrados

Baixo estas liñas, vemos algunhas embarcacións no porto de Burela e unha granxa de rubia galega en Friol

Esta paraxe cuberta de neve encóntrase nas inmediacións da Fonsagrada

Tamén na montaña, Navia de Suarna é coñecida pola ponte romana ou polo seu castelo

De todas as fortificacións, a que mellor se encontra é a torre de Xiá, en Friol

Tamén coñecido como o castelo de Narla, xa temos falado abondo del neste blog

Tamén da muralla romana de Lugo, por onde adoito pasear sobre todo de volta do traballo

Debaixo, vese un detalle da fachada do mosteiro de San Vicente, no monte homónimo de Monforte

O Miño cruza o territorio mencionado de norte a sur, como ocorre co resto do país

Portomarín ou Lugo ofrecen algunhas das estampas máis coñecidas do paso deste río

Sobre estas liñas, vemos unha imaxe do bosque do balneario de Guitiriz

Embaixo, un drone a sobrevoar unha leira con grelos no tamén chairego Abadín

Esta explotación ecolóxica de razas autóctonas está situada na Pontenova

Nela conviven os burriños fariñeiros coas ovellas e cos carneiros da variedade galega

O Rato é outra das localizacións de luxo que se poden atopar no cinto verde de Lugo

Coas imaxes deste paseo concluímos a nova entrega da serie, que de seguro non será a derradeira

O parque de Rosalía

Hai un parque en Lugo que levo case dúas décadas ollando a diario

Refírome ao de Rosalía, situado xusto en fronte a onde teño o centro de traballo

Nos últimos anos dediqueime a fotografar os cambios que experimenta co paso das estacións

Entre o outono e o inverno é un lugar, polo xeral, solitario e sombrío, onde os paseos conducen á nostalxia

O estanque dos parrulos constitúe un dos puntos máis concorridos do parque por parte dos nenos

O outro é, por suposto, a zona de xogos infantil, que se encontra a escasos metros da porta do meu choio

Dende a ventá do meu posto de traballo puiden obter imaxes tan primaverais coma esta

É nesa época do ano cando o sol se pon xusto no medio do paseo que parte da entrada principal

Esta é unha foto do mesmo lugar, sacada dende os xulgados da cidade

Aquí teño botado xornadas laborais completas, moi entretidas, como se pode imaxinar

A pesar da súa relativa quietude, o parque de Rosalía de Castro é un lugar cambiante

Muda non só co paso dos meses, senón tamén cos xogos de luces que se producen ao longo do día

Cando cae a tarde, as sombras apodéranse de vagar dos espazos que agocha

Algúns deles gañan se cadra en beleza cos tons crepusculares que acompañan a noitiña

Xa en plena noite, o mirador do parque segue a ofrecer unhas fermosas vistas

E o lugar amosa estampas propias doutros tempos, de cando foi creado hai case cen anos

Selma en 2017

Este 2017 que está a piques de rematar foi un ano moi importante na vida da miña filla

Principiou nada menos que os estudos de Primaria, polo que xa domina as letras minúsculas

Ademais, visitou varios países da Península Ibérica, o centro de Ourense e mais a cidade de Vigo

Na foto en que figura en pé, abaixo, vémola marcando tendencia pola praza de Lugo, onde é o propio

A petición súa, un ano máis realicei un vídeo coas lembranzas da nena ao longo destes doce meses

Entre elas figuran as súas actuacións de teatro e de danza, os nosos aniversarios e uns cantos concertos

Agardamos que o ano vindeiro traia novas e aínda mellores experiencias para ela, para nós e mais para todos vós