A uns 60 quilómetros ao sueste de Gdansk encóntrase o castelo de Malbork
Cunha área de 21 hectáreas, trátase da meirande fortaleza gótica de Europa
Ademais, está recoñecida como a máis grande estrutura erguida con ladrillo
Foi fundada pola Orde dos Cabaleiros Teutónicos contra finais do século XIII
A súa finalidade era servir de base para conquistar e cristianizar os prusianos
Como defensas, conta con altos muros, torres, fosos e mais pontes levadizas
A construción desta cidadela prolongaríase durante máis de dous séculos
Nese período, chegou a converterse na capital dun vasto estado monástico
As distintas salas, elegantemente abovedadas, dan testemuño daquel tempo
Hoxe en día o castelo está distinguido co título de Patrimonio da Humanidade
Recibe centos de miles de visitantes, para os cales se recrea toda unha época
Tivemos a oportunidade de ollar esta magnífica fortaleza ata en dúas ocasións
Na primeira, de paso, ficamos impresionados, e logo xa entramos ata a cociña
2 comentarios:
A primeira imaxe mola moito.
Pois estaba chovendo. Foi o primeiro día, cando pasamos por alí.
Publicar un comentario