Mañá veñen a Lugo Emir Kusturica & The No Smoking Orchestra
Como bos fans, hai tempo que collemos as entradas para o concerto
Será unha ocasión única para pasalo ben escoitando música en vivo
A banda ten unha decena de integrantes, nados en países balcánicos
De todos eles, o de maior sona é o realizador serbobosnio Kusturica
Dirixiu filmes como o aclamado Underground ou Tempo de Xitanos
Pero o que máis me entusiasma de todos é Gato Negro, Gato Branco
-Trátase dunha comedia negra con localizacións á beira do Danubio-
Con cancións tan potentes na súa banda sonora como o é Duj Sandal
O álbum que lle deu máis renome á formación foi Unza Unza Time
-Precisamente, contén algúns dos temas que ambientan esa película-
En resumo, que temos diversión garantida para os nosos pés e oídos
E todo grazas a que non viñeron tocar os de Placebo no San Froilán
1 comentario:
Obsérvese no enlace á wikipedia que no nome de Kusturica en cirílico o "c" correspóndese cunha especie de u cadrada, cunha lectura semellante ao dígrafo "tz" en euskera. É dicir, pronunciaríase algo así como "Kusturitza".
Polo demais, o concerto puido soar mellor se non tivese lugar no Pazo Provincial dos Deportes, xa que a música reverberaba desastrosamente.
Publicar un comentario