18/04/17

Días de atraccións na Casa de Campo



Gran parte das vacacións desta Pascua pasámolas na capital do país 'vecino'
Alí visitamos a Casa de Campo, un xardín con case dúas mil hectáreas de extensión
Nun dos seus límites encóntrase o Parque de Atraccións de Madrid, onde moito troulamos
Tras unha primeira 'rolda de contactos', xantamos nun precioso quiosco no medio das instalacións




Quen mellor o pasou foi a nosa filla, que quería subir a todas as atraccións
A primeira de todas foi a dos 'globos tolos', na zona para os cativos máis novos




Non o pasou tan ben Selma no 'tren da mina', unha pequena montaña rusa
Para compensar as emocións fortes, demos un tranquilo paseo en cepelín sobre o parque




Tamén paseamos en barca a través da xungla, unha das atraccións máis antigas do parque
A onde non accedemos foi a The Walking Dead Experience, baseada na famosa serie de zombis





Tampouco subimos ao Star Flyer, a 80 metros de altura
Pero si nos sacamos unha foto con Marshall, da Patrulla Canina




Aínda que non nos puidemos fotografar con Lurardo, que xa se despedía
Pero si tivemos a oportunidade de retratarnos xunto á casa de Bob Esponxa
E puidemos subir aos cabaliños, nun carrusel de época que databa dos anos 20




Outros días subimos ao teleférico dende o parque do Oeste
E tamén accedemos ás atraccións dun centro comercial en Arroyomolinos
Foron, en resumo, unhas xornadas inesquecibles de tempo estival en plena primavera


Ningún comentario:

Barbie, Cine e Moda

  Vimos de ver unha mostra con preto de 200 edicións limitadas da boneca máis famosa do mundo Trátase da exposición 'Barbie, Cine e Moda...