O parque de Cabárceno

Hai uns días visitamos o Parque da Natureza de Cabárceno, en Cantabria

Situado a escasos quilómetros de Santander, nel conviven animais de todo o mundo

Conta con exemplares dunhas corenta especies de mamíferos, a maior parte delas exóticas

Non é o caso do oso pardo, unha criatura cuxa variedade ibérica se encontra en perigo de extinción

Ademais dos osos, os gorilas, os rinocerontes ou os tigres son algunhas das especies máis impresionantes

Cunha superficie de 750 hectáreas, Cabárceno é o meirande parque europeo da súa categoría

Nel os animais viven nun réxime de semiliberdade, ao contrario do que ocorre nos zoos convencionais

De feito, mesmo habita no complexo unha manda de elefantes africanos que case semella integrada na paisaxe

O parque de Cabárceno está xestionado por unha empresa pública autonómica

Nos últimos anos realizáronse unha serie de melloras, como a instalación de teleféricos

Deste xeito, o visitante depende menos do coche para moverse por unha extensa rede de pistas

Tivemos o sorte de que nos tocou unha cabina panorámica

Así, puidemos contemplar hipopótamos ou osos baixo os nosos pés

Malia atoparnos ao norte das montañas cántabras, moitas das especies presentes son africanas

Á impresión de encontrarse no continente veciño contribúe tamén a cor encarnada da terra e dos penedos

Isto débese a que o parque de Cabárceno está emprazado nunhas antigas minas dedicadas á extracción de ferro

Precisamente unha parte do parque, que conserva unha antiga estrutura industrial, denomínase La Mina

É ao seu carón onde se encontran o reptiliario e a piscina para as concorridas demostracións dos leóns mariños