01/08/21

A nosa historia contada cos playmobil

 


O MIHL alberga todo este verán a exposición "Historia da Galiza a golpe de click"
Consta de media ducia de dioramas, elaborados pola asociación estatal de coleccionistas de playmobil
A iniciativa da concellería luguesa de Cultura, os membros da Aesclick prepararon para esta mostra un milleiro de bonecos móbiles




A exposición conta tamén con paneis explicativos especialmente pensados para toda a familia
No primeiro dos escenarios cobran vida os dinosauros do xurásico,  período iniciado hai 200 millóns de anos
Tamén se permiten algunha licenza, como a coexistencia dos plistocénicos mamuts cos dolmens, propios do megalitismo




Noutro dos dioramas recréase, xa na protohistoria, a vida nun castro galaico da Idade de Ferro
Precede o da invasión romana de hai máis de 2.000 anos, que lle daría pé á romanización da Gallaecia




O último diorama da expo, e de maior envergadura, céntrase no longo, complexo e turbulento período medieval
Coma en boa parte de Europa occidental, nas costas galegas tamén houbo incursións normandas, e mesmo asentamentos
Tamén na Idade Media, os castelos serviron para defender os territorios señoriais fronte ás ameazas dos irmandiños ou doutros señores


Paisaxes de Lugo (VII)

Cun fermoso exemplar de rubia galega dá comezo esta nova entrada sobre as paisaxes lucenses Esta de Castro de Rei foi a primeira dunhas can...