02/06/18

Das Catedrais ao Fuciño do Porco



O outro día percorremos dous dos principais monumentos naturais do litoral da Mariña
Primeiro visitamos a praia das Catedrais e logo fomos ao Fuciño do Porco, no outro extremo da costa
No areal ribadense puidemos admirar os famosos arcos que a erosión foi conformando nos cantís de lousa e xisto




Os arcos e mais os arcobotantes que a natureza esculpiu danlle sentido á denominación turística do espazo




En días sinalados, a praia de Augas Santas semella unha romaría durante a baixamar
Outro tanto acontece no Fuciño do Porco, no Vicedo, a onde nos diriximos na mesma xornada




Situado na beira occidental da ría de Viveiro, trátase dun promontorio rochoso que se adentra no mar
Para poder acceder, cómpre camiñar varios quilómetros a través do monte e mais por unha sinuosa pasarela




Dende o alto do Fuciño do Porco, as vistas deste recuncho do mar Cantábrico son espectaculares
Tanto se pode ollar o illote Gaveira, na mesma ría, coma a illa Coelleira, xa na boca da ría do Barqueiro


Barbie, Cine e Moda

  Vimos de ver unha mostra con preto de 200 edicións limitadas da boneca máis famosa do mundo Trátase da exposición 'Barbie, Cine e Moda...