Diego, o meu cuñado, está a facer un curso en Xixón
Así que aló nos diriximos aproveitando uns días libres
![](https://blogger.googleusercontent.com/img/b/R29vZ2xl/AVvXsEhk96KamSnTMUB3tew-heHrYa6VQlkGpiAbY2mRy7uessV5XLIQfgwhKcFmu70tkImToz9SJoFNjNucC1xnVIiRAYURA0TBXQwY-mxs5B8nF4OG2yQjk26Nn8eLBZTBlPcGngkecO8SMFw/s400/Xix%C3%B3n11.jpg)
Xa estivera nesta cidade, pero menos tempo e polo verán
E desta volta teño que dicir que quedei marabillado
De feito, pareceume un lugar fantástico para vivir
A pesar do frío, do vento e do temporal que nos cadrou
![](https://blogger.googleusercontent.com/img/b/R29vZ2xl/AVvXsEhxA8_0orF_nvFKsdEbA_Q-lU3hUMR7wVo8UBdgbIYIce0-mqax21zpk-tIsR5MaeVAHfrp69OatkyRSQWBKi2hBu5OXbtk6-8y0LJ2py4ArrT3l7rvMhhMST4R5UL45VVZ5Fazpkz3uVY/s400/Xix%C3%B3n22.jpg)
Xixón é unha cidade curiosa, coqueta e arranxada
Con moitos espazos verdes e cunha arquitectura envexable
Abundan os balcóns acristalados, sobre todo no centro
![](https://blogger.googleusercontent.com/img/b/R29vZ2xl/AVvXsEhs4Af-wYiE80iMhBIfX_EwS5Yz0ah0Cn1Quoz2e1O83Z1gux8hDdSe32mx86M5TnJFLJkIh802Aa2P_xdjO2AJ_9ejZJiPR6z1G562HVqHcUeVEnEVkI2T432SqmlJCnSPwLc4U6rUX80/s400/Xix%C3%B3n33.jpg)
O que máis me chamou a atención foi o encanto dos cafés
Eran lugares realmente cálidos e acolledores
Pensados e deseñados para o benestar da clientela
Había, polo menos, medio cento de cafeterías deste tipo
Ao pasar por diante, dábanche ganas de entrar en todas
![](https://blogger.googleusercontent.com/img/b/R29vZ2xl/AVvXsEiUiCIsMwf5G2ASNImcvZhMaMkaw8KMm2z4at7zXgmU_flKBfDmHKXrEib56ZMQUqVXUskGlwhEGME-JyiD3j1PCu7cQufsy4h11v80_W3VatLl3bh9Ak2dywWgzPVWoL_FTdMsJeqL2Lg/s400/Xix%C3%B3n44.jpg)
Tamén axuda o carácter amable das súas xentes
E mailos prezos asequibles dos hoteis, cafés e restaurantes
Sen esquecer que se trata dunha cidade aberta ao mar
En resumo, un lugar con auténtica calidade de vida
![](https://blogger.googleusercontent.com/img/b/R29vZ2xl/AVvXsEiS0wgVCllhTq8UPLS_3AeIxqoEPZswOhjc62YYNlzg24tz-NK1KOtXRFu-eaE9okPfWO5dJ2yY9pdwlAUJEi1_ksy8YdrHgf1-ZGfRy7i5AHz3NYx2VEMlCKWh6DZD3KudZtMW0wWzhpM/s400/Xix%C3%B3n55.jpg)
Á volta, tivemos tempo para facer un par de paradiñas
A primeira foi no recinto histórico de Avilés
Tiña noticias de que valía a pena, e certamente así foi
![](https://blogger.googleusercontent.com/img/b/R29vZ2xl/AVvXsEicaUhFk_wQUrBYQTriL6YUrd8FETcqNfZqyMZ1_iWeH9FQYcoCbkFuLxgZDJ_gtkPewQqWQNqkZC_DEbQUpp2quhnqQA-hCTXODMNMg8HvtSYz4FrekSIBnIOChNBwqQcuwFLrnZZKGBI/s400/Xix%C3%B3n66.jpg)
Á ida pararamos en Luarca para xantar no porto
Fixémolo, por segunda vez, no recomendable 'Barómetro'
E á volta paramos en Cuideiru, nun 'comedor-cuberta'
Dende alí había unha vista excelente desta vila mariñeira
![](https://blogger.googleusercontent.com/img/b/R29vZ2xl/AVvXsEhQlreLTc6S8cGdE3mg7bU-1cSkPBGCpfjySUEgpparV1JbjgBD9qsEjuiNCa2MJ2o8KNqOjrAsjU4QBUqJuCyUrvZbBS2QDD8jXzk3AXFSpOiVyx2-65oKURTgMdvXzds6tx1-J6lgFB4/s400/Xix%C3%B3n77.jpg)
![](https://blogger.googleusercontent.com/img/b/R29vZ2xl/AVvXsEhe6Dgh9xV8W2RfSzUIW_PQZzDGZsIdLRQVJ63IeFw2xmUNGCw6y0gmhFDtwh-cZ1VRgdgRBh7QbaTkka9D34QT4xw6GGK8p71OZXerakEDPvjaPPxrc9R9oIeDDa8kNlknFJ2-D2xSldk/s400/Xix%C3%B3n88.jpg)
A última parada cadrou xa na plenamente galega Ribadeo
Onde a ecléctica Torre dos Moreno lle dá a benvida ao viaxeiro
Pechamos así unha escapada de tres días memorables
![](https://blogger.googleusercontent.com/img/b/R29vZ2xl/AVvXsEig2KpbwPXw4DpLaQtXpP6J5oirWNEm6qUd7DR19XSoiXpw4KyEsdwW8cJCcsdQt6IwLkwoNRXTTsmIjiXbx90re49BL0F1N7FhOpTl2uovhMB5Mjd57xAWQnZfks-dfHzLW2GYVNTBFTA/s400/Xix%C3%B3n99.jpg)
Ningún comentario:
Publicar un comentario