12/09/11

Os primeiros días de Selma



Todo comezou aquí, na planta de obstetricia do hospital Lucus Augusti
Un centro hospitalario acabado de nacer tamén, tan só dez meses atrás



As habitacións, ben deseñadas e equipadas, mesmo parecían nórdicas
Nesta foi onde transcorreron os primeiros días dunha Selma cambiante
O rostro ía mudando en cuestión de horas, recompoñéndose tras o parto


Ao tempo que comezaba a perder lanuxe, a fronte estaba a redondearse
Dun día para outro transformábase a súa faciana dun xeito espectacular



Aos catro días do seu nacemento xa lles deron a alta á meniña e a Marta
Daquela retornamos ao noso tranquilo fogar para iniciarmos unha vida nova
Cuns horarios estritos, adaptados ás necesidades dun ser de medio metro
-Alguén que non distingue entre día e noite e só sabe do xantar e da sesta-



Esta é unha das súas posturas favoritas, coa que bota gases e logo dorme
Aquí ollamos un detalle da morenaza que nos está a conquistar o corazón



Outro dos seus momentos predilectos ao longo do día é despois do baño
-Cando a secamos coa toalla e lle damos cremiña hidratante sobre a pel-
Só me queda lembrar ese grande instante no que se fixo algo máis maior
Refírome a cando, xa con oito días, lle caeu o reseco cordón do embigo

7 comentarios:

Anónimo dixo...

miña nai!!!!..... que linda está.... :)

Dr Smurf dixo...

E cada día máis! :)

Javi dixo...

Que preciosidade, agora ven a a aventura máis grande... criala ;-) e estou convencido de que o faredes estupendamente.
Xenial a reportaxe tamén... moi do teu gremio ;-)

Dr Smurf dixo...

Graciñas, Javi! Si que che é unha aventura, e embarcados nela navegamos por mares ignotos tratando de ir rumbo a bo porto.

Anónimo dixo...

que preciosidade de meniña, me ha namorado !!! parabens aos pais.

Paula dixo...

preciosa, guapísima e o Lucus Augusti sáese pola pana...en Lugo sabedes facer moi ben as cousas! noraboa!

Dr Smurf dixo...

Graciñas, Paula! Non nos atribúas tamén a nós o mérito do hospital... Tardaron case dez anos en facelo, e iso tíñase que notar.

Graciñas tamén a ti, o anónimo, sexas quen sexas.

Media vida en Lugo

  Hai hoxe 21 anos e 11 meses comezaba a traballar na delegación da CRTVG en Lugo Aquel 5 de xullo de 1999 tiña xusto 21 anos e 11 meses, po...