A capital quebequesa é, sen dúbida, a cidade máis fermosa do país
Trátase ademais dunha das urbes máis atractivas de toda América
Por veces semella un anaco de Francia ao nordés do continente
É o que ocorre coa Place Royal, na parte baixa do casco vello
Quebec posúe recunchiños verdes nos que dá gusto estar
É o caso do parque Félix Lecrerc, na Rue du Petit-Champlain
Tamén ten rúas que parecen sacadas do barrio parisino de Montmartre
E insiste en amosarnos estampas máis propias do vello continente
No alto da cidade encóntrase a Asemblea Nacional do Quebec
En diante da sede do poder lexislativo hai unha fonte traída de París
Máis abaixo atopamos o edificio máis representativo da cidade
Refírome ao Château Frontenac, visible case dende calquera punto
A pesar do seu nome, é un hotel construído durante a época vitoriana
A compañía Canadian Pacific Railway quixo así atraer o turismo de luxo
-Cinco anos antes, en 1888, erixiran en Alberta o hotel irmán Banff Springs-
Outro dos lugares con máis sona de Quebec son estas escaleiras
Resultan identificativas da cidade, posto que unen as partes alta e baixa
Chámanlles as Escalier Casse-Cou, literalmente as escaleiras crebapescozos
Por elas báixase ao Quartier du Petit-Champlain
Pola noite, as rúas deste barrio gañan aínda en encanto
Na Place Royal loce aínda máis a igrexa de Notre-Dame-des-Victoires
Nos extremos deste barrio de Quebec hai varios murais famosos
O maior, o Fresque des Québécois, conta a historia da cidade
O máis pequeno loa o devir dos traballadores do Cap-Blanc
-A veciñanza residente á beira mesmo do San Lourenzo-
E ata aquí chegou a nosa estadía no Quebec
Lembrarémolo como un gran país, culto e acolledor
Cun pobo que, sen dúbida, soubo reencontrarse a si mesmo
Ningún comentario:
Publicar un comentario