Ás veces a natureza invita a fixarse nos detalles máis pequenos E é así como acontece cando florecen as plantas do salón Neste caso concreto dunha violeta africana, fascínanme as súas cores O contraste harmónico entre o ouro dos estames e os pétalos morados Por non falar do tacto de veludo dos seus talos e das súas follas É unha planta moi resistente, que dá flores dúas veces ao ano Require pouca auga e é ideal para interiores, así que a recomendo
Logo dun período de repouso volvemos á carga co cartelismo Desta volta tócalles aos carteis polacos de circo Extraínos do portal dunha galería do casco vello de Varsovia Entre eles figuran as feras domadas dos circos tradicionais Por exemplo, os tigres e os leóns -coma na canción de Torrebruno- Aínda que tamén podemos atopar focas, chimpancés ou osos
Nun bo "cyrk" non poden faltar os pallasos A representación destes señores pode dar mala espiña Sobre todo nos pósters de toda a vida que penduran por aí Supoño que será influencia do cine, ou mera cuestión de cánones
Hai outros elementos circenses nesta "Galeria Polskiego Plakatu" Acróbatas, contorsionistas e mesmo unha muller barbuda
Foron estes días de visitas dos nosos amigos a onde vivimos Deles, foron Meli e Tito os que máis tempo quedaron connosco Esta foto na insua de Seivane dá fé do seu paso por Lugo -Os carballos centenarios afunden as ponlas nas augas do Miño-
Tivemos que cruzar unha ponte colgante para acceder á illa E xuntos percorremos os seus dous quilómetros de perímetro -Había que baixar o churrasco de tenreira que viñamos de degustar-
Visitamos tamén a fortaleza de San Paio de Narla, en Friol Esta torre, do s. XIV, dá unha idea da vida medieval nun castelo
Seguimos cara atrás este relato que se difumina entre noites de viños Paseamos tamén á beira do río Rato, no cinto verde da cidade
Este paseo conecta co do Miño, entre prados á sombra dos freixos -Entre lagos con ras e parrulos e caneiros que se adentran no río- E así transcorreron os días, comendo, bebendo, falando e paseando
Volvendo sobre a Electric Light Orchestra, velaí van máis vídeos Estes son anteriores a "Discovery", sobre o que falaba hai uns días Trátase de "Livin' Thing", de "A New World Record" (1976) E mais de "Mr. Blue Sky", de "Out of the Blue" (1977) -Ademais de músicos, eran malabaristas das palabras- Anos máis tarde, estes temas empregáronse en bandas sonoras "Livin' Thing" no cru filme de "Boogie Nights" (1997)
"Mr. Blue Sky", pola súa parte, pechou "Martian Child" (2007) -Unha das últimas películas protagonizadas por John Cusak- É un tema tan variado como irregular, cun arranque fabuloso Co vídeo podemos comprender a teima dos lentes de sol de Jeff Lynne
Posteriormente, a E.L.O. sacaría outros temas excelentes De entre eles, decántome polo robótico "Yours Truly 2095" Esta canción, que ben valería para "Wall-E", é do disco "Time" (1981)
A artesanía é sempre un labor certamente encomiable En calquera das súas vertentes, e o encaixe non o é menos E temos a sorte de ter unha amiga, Meli, palilleira de pro Nos últimos meses, Meli acudiu a diversas 'palilladas' Trátase de convencións para intercambiaren artes palilleiras Ou sinxelamente para se gabaren da delicadeza das súas obras -Posto que cada palilleira amosa os seus mellores traballos- Para dar conta destas xuntanzas, Meli creou unha bitácora Nela vai publicando as experiencias vividas nas palilladas E, como non, as fotos daqueles encaixes que máis lle gustaron Este blog xurdiu aínda hai poucos meses, pero xa promete -Polo orixinal da temática, polo interés que esperta o ambiente-
Hoxe, neste día para nós tan sinalado, Marta está de aniversario E cumpre o que se soe dicir "a idade de Cristo menos un mes" A modo de dedicatoria, deixo aquí unha foto de cando era pequena Ten as fazuliñas pintadas, pois data dun entroido a comezos dos 80 As cores, a luz e a expresión facial recórdanme un cadro de Rubens Tamén deixo un tema de Alex North interpretado polo xenial Bill Evans Creo que ben expresa o que non se pode dicir con palabras
Cúmprense trinta anos dun disco que marcou época Ou máis ben que serviu de ponte entre dúas décadas Fálovos de "Discovery", da Electric Light Orchestra A finais dos 70 comezábanse a editar protovideoclips Eran vídeos sinxelos, feitos para promocionar os singles -Un dos máis memorables é "Bohemian Rhapsody", de Queen- E a E.L.O. subiu a este carro a partir deste álbum Ate daquela, só fixeran meras gravacións de actuacións A partir de entón, gravábase o grupo nun decorado E o seguinte paso era engadir animacións e efectos visuais Sirva como exemplo o tema "Wishing", de decoración lisérxica Certamente, as animacións non poden ser máis pobres e cutres Pero aínda así ten o seu encanto e maila súa autenticidade -Como auténtico é o bigote estilo 'rei das tartas' do baixista- No aspecto musical, é digno de mención o seu orientalismo Non en van, a historia de Aladino é o motivo da portada do LP
Como dicía, este álbum publicouse a cabalo entre dúas décadas Entre as maneiras finisetenteiras e a produción propia dos 80 Como resultado, algúns temas soan discotequeiros e pop á vez É o caso de "Last Train To London", cunha curiosa mestura de sons Outros, pola contra, teñen un estilo plenamente 'discoseventies' Por exemplo, "Shine A Little Love", digno dos mesmos Beegees
Neste disco, a banda inglesa tamén nos soubo contar historias Para min, a de "The Diary Of Horace Wimp" é a máis completa -O título, por certo, é digno dun relato de H. P. Lovecraft- De novo, temos aquí animacións cutriñas e sinxeliñas de todo E o careto de Jeff Lynne omnipresente sempre nun primeiro plano -Aínda que, iso si, semioculto tralos lentes de sol e as mestas crechas- Por último, mención especial ao uso e abuso do vocoder Algo moi propio daquel tempo, polo que de novidade tiña
