A miña vila natal conta dende este outono cunha nova biblioteca
Albérgaa un edificio emblemático da cambadesa rúa do Castriño
É dicir, a escasos cincuenta metros da nosa casa e dos meus pais
Durante trece anos, pasei todos os días por diante desta vivenda
-Dende preescolar ate o derradeiro curso de estudos no instituto-
Trátase, polo tanto, dun vello edificio que se me fai moi familiar
Polo que non puiden evitar emocionarme cando crucei a cancela
A Casa dos Fraga conta cun xardín de dous mil metros cadrados
Nel, un soutelo dálles sombra aos que se acheguen con bo tempo
No seu interior, hai recunchos que convidan á lectura demorada
Pero tamén hai espazos pensados para o entretemento dos nenos
Subindo ao primeiro andar, accédese a distintas salas e galerías
Aquí hai espazos para o recollemento e o estudo, e moitos libros
Aínda que, polo de agora, non tantos como a min me gustaría ver
En todo caso, quen me dese que no meu tempo houbese algo así
Coa de tardes enteiras que pasei na antiga bliblioteca pública... !
4 comentarios:
Imos ter que pasarnos por Cambados... ;D
Por suposto, iso está feito. Cando queirades e con sumo gusto.
Así hai xente que quere volver a ser neno agora e non me extraña.
Efectivamente, Paideleo. E non é cuestión de 'peterpanismo', senón de realidade obxectiva.
Publicar un comentario