Phantasialand

Hoxe estamos de festa na casa, posto que a rapaza xa nos fai quince anos

Por adiantado, obsequiámola cunha visita a un dos parques temáticos máis prestixiosos de Europa

Referímonos ao aclamado Phantasialand, un complexo situado ao sur de Colonia que destaca pola calidade das súas propostas

De feito, está considerado o segundo parque de atraccións máis importante de Alemaña

Só por detrás de Europa Park, que visitamos hai un par de anos e que non supera en detallismo a Phantasialand

O parque conta con media ducia de áreas temáticas, entre as que destaca a de Berlín, con Rookburgh

Esta subárea de estilo steampumk ten unha montaña rusa, F.L.Y., onde os pasaxeiros semellan voar pendurados

Logo hai tamén coasters máis convencionais, coma o tren da mina Colorado Adventure, na área dedicada ás civilizacións de México 

De volta a Berlín, subimos a un carrusel de varios pisos

Tamén visitamos a dark ride Maus aus Chocolat, unha das atraccións máis divertidas do parque

Neste extremo do Phantasialand trata de recrearse o ocio familiar berlinés de inicios do século pasado

A tal efecto, construíuse un boulevard con varias prazas, e dende unha delas parte un tunel que conduce á ucronía steampunk

Outra das áreas do parque é China Town, onde se encontra outra dark ride, Geister Rikscha, neste caso inspirada no terror chinés

No capítulo dos espectáculos, repartidos por todo o parque, destacan tres principais

Son o musical Nobis, o acrobático Battle of the Best e Rock on Ice, de patinaxe sobre xeo

A medieval Mystery, Deep in Africa e Fantasy son outras das áreas de Phantasialand

Pola temática e o seu alto nivel de detallismo, esta última evoca o parque de Efteling, nos Países Baixos

Nestoutro exremo do parque subimos á Crazy Bats, unha montaña rusa de realidade virtual onde as imaxes van sincronizadas cos vagóns

Fóra do horario do parque, que só en pleno verán pecha ás sete da tarde, estivemos polos hoteis do complexo

Sobre todo no Ling Bao, que era o que tiñamos á beira do noso propio hotel

Un día ceamos no asiático e outro no africano, o Matamba, onde nos hospedamos

E ata aquí chegan as aventuras que vivimos nun dos mellores parques de atraccións do mundo

A experiencia serviu como o mellor colofón á viaxe que realizamos polo occidente alemán, centrada no val do Mosela