10/07/08

Os 80 en El Jueves





Posiblemente se trate da mellor publicación española
-Posiblemente-
Falamos de "El Jueves", esa revista que sae os mércores
E que esta semana contén un monográfico sobre os 80
-Aqueles marabillosos anos de 'nocilla' e 'tulipán'-
Parece ser que este especial tivo bastante éxito de vendas
Á quiosqueira da esquina quitábanllelos das mans
E vendeu todos cantos tiña no primeiro día
Sorte que puiden arrepañar o último exemplar
Que era o que se encontraba exposto no escaparate
Por suposto, Alcázar e Pedro Vera non me fallaron
Ámbolos dous deron a súa visión da 'Movida'
-Non só da madrileña, senón tamén da de Vigo-
Non sen un bo chorrazo de acidez, claro está
E atención á visión de Furillo das drogas naqueles anos
Que tampouco ten desperdicio ningún, escatoloxía á parte
Como detalle, esta semana a revista trae uns agasallos
Son chapas con referencias a aqueles tempos de 'tulicrem'
De Epi, Blas e El Dioni, e tamén de Naranjito
O cubo de Rubick tampouco podía faltar
E, como non, a chapa que agora levo na chaqueta
A de Bud Spencer e Terence Hill listos para un reparto estelar

1 comentario:

Artur dixo...

interesting blog. Continue posting, I'll be waiting for new updates.

Remember to visit my blog :)

Barbie, Cine e Moda

  Vimos de ver unha mostra con preto de 200 edicións limitadas da boneca máis famosa do mundo Trátase da exposición 'Barbie, Cine e Moda...